Infos parents

Léif Elteren,

An der Hierschtvakanz war vill lass bei eis an der Maison Relais!

All Kand krut säin eegene Kürbis a konnt e flott oder lëschtegt Gesiicht drop molen, se sinn all richteg flott ginn!

Wann d’Sonn geschéngt huet, si mir eraus gaangen an hu gespillt, an bei de méi kale Deeg hu mir vill zesummen am eisen Grupperaum gespillt a gebastelt passend zum Thema Hierscht.

Vill Spaass beim Kucken vun de Fotoen!

Léif Elteren,

Dës Woch hu mir nees vill flott Momenter zesumme erlieft! D’Kanner haten vill Freed beim Bastelen zum Thema Halloween, hir Kreatioune waren ganz originell a faarweg.

Mir hu och eist Projet iwwer d’Déieren weidergefouert. D’Kanner hunn d’Déiere vun der Savanne an Bauerenhaff entdeckt, schéi Savanne-Déieremasken gebastelt an eng Sticker-Kollage mat Bauerenhaffdéieren gemaach.

D’Plasteline huet hinnen och vill Spaass gemaach, si konnten hir Fantasie fräi lafen loossen.

Vill Spaass beim Fotoe kucken!

Léif Elteren,

Mir haten eng super flott Halloween-Feier an der Maison Relais!

D’Kanner hu sech verkleet, Party gemaach an vill gesnackt.

D’Fotoe vun der Halloween Party kënnt Dier gär hei ukucken.

Léif Elteren,

dës Woch stoung alles ënner dem Motto „D’Déierwelt entdecken“. Mat Déieren-Billerkaarten, Déieren-Pantomimen an Déieren-Ausmoolbiller hunn d’Kanner vill interessant Déieren kennegeléiert a dobäi vill Freed gehat.

E sportlechen Highlight war eisen Ausfluch an „Lasep“, wou d’Kanner sech richteg austobe konnten.

Mir hunn och Fliedermäis gebastelt an lecker Waffele gebak – d’Kanner haten dobäi ganz vill Spaass!

Et war eng flott an sportlech Woch fir eis Butzen!

Vill Spaass beim Ukucke vun de Fotoen!

Léif Elteren,

Dës Woch hu mir gemierkt, wéi flott et ass zesummen ze sinn an Saachen ze deelen.

Mir hunn gesongen, gebaut a vill gespillt. Dobäi si vill kleng Frëndschaften nach méi staark ginn.

Et war eng Woch voller Freed a vill gudder Laun!

Vill Spaass beim Fotoe kucken!

Fir de Pappendag hu mir net nëmmen eifreg gebastelt, mee och eng ganz besonnesch Fotocollage zesummegestallt! Mat vill Freed, Fantasie a Laachen hunn d’Kanner flott Fotoe fir de Pappendag gemaach – a sech dobäi vu hirer beschter Säit gewisen!

Déi fäerdeg Fotocollage kënnt Dir ab elo hei bewonneren!