Zum Haaptinhalt sprangen Zum Haaptmenü sprangen

Grupp Précoce Maison Relais bei de Fliedermais

20.11.2026

Dës Woch stoung ganz am Zeeche vun de Kannerrechter. D’Kanner hunn duerch verschidde flott a spilleresch Aktivitéite méi iwwer hir Rechter geléiert. Dobäi hu mir passend Aktivitéiten zu verschiddene Kannerrechter gemaach an dës zesummen entdeckt.

Nieft dësem Thema hu mir och zesumme lecker Crêpe gebak.

Am Kader vun eisem Projet „Komm mat op eis Lëtzebuergesch Rees!“ hu mir dës Woch eis Famill kennengeléiert. D’Kanner konnten nei Wierder wéi Mama, Papa, Bopa, Boma, Brudder a Schwëster entdecken a léieren.

Et war eng flott an ofwiesslungsräich Woch mat villen neien Erfarungen, gemeinsame Momenter a klenge Léierméiglechkeeten.






» Fotoen