Infos parents
Kalenner
Neiegkeeten
- Bei de Fliedermais
Précoce Maison Relais
Léif Elteren,
dës Woch hate mir eng flott an aktiv Zäit an der Maison Relais.
Mir hunn eng spannend Ouschtereeër-Sich gemaach, wou d’Kanner mat vill Freed no de verstoppten Eeër gesicht hunn.
Dobausse hu mir och zesumme gespillt an déi schéin Wieder genoss.
Eng weider Aktivitéit war e klenge Parcours, bei deem d’Kanner mat engem Läffel an engem Ouschteree hu missten balancéieren, dat war ganz lëschteg an huet vill Geschéck verlaangt.
Mir hunn och mat Airtuubz gespillt, wat fir vill Begeeschterung gesuergt huet.
Kreativitéit gouf et beim Molen an Dekoréiere vun Ouschtereeër, wou d’Kanner hir Fantasie fräi lafe gelooss hunn.
An mir hatten en Ausfluch an d’LASEP gemaach, wou sportlech Aktivitéiten um Programm stoungen.
- Bei de Fliedermais
Précoce Maison Relais
Léif Elteren,
dës Woch an der Maison Relais hu mir déi schéi sonneg Deeg richteg genoss. Mir waren vill dobaussen an hunn zesumme gespillt an d’Natur entdeckt.
Nieft de flotten Aktivitéiten dobaussen hu mir och eng gemittlech Tea-Time zesummen gemaach, wou d’Kanner sech entspaant hunn. Dobannen hu mir gemoolt a verschidde Gesellschaftsspiller gespillt, wat vill Freed gemaach huet an d’Zesummespill gefërdert huet.
Mir freeën eis schonn op déi nächst Woch mat Äre Kanner!
- Bei de Fliedermais
Précoce Maison Relais
Léif Elteren,
dës Woch hu mir vill flott Momenter mat Äre Kanner erlieft. Well d’Wieder dacks sonneg war, hu mir vill Zäit dobausse verbruecht an d’Sonn genoss. Mir si spadséiere gaangen an hunn och verschidde Spillplazen besicht, wou d’Kanner sech fräi beweege konnten an zesumme gespillt hunn.
Am Maison Relais hu mir och verschidden Aktivitéite gemaach. D’Kanner hu mat Plastelin gespillt, wat hir Kreativitéit an hir Feinmotorik ënnerstëtzt. Ausserdeem haten si vill Zäit fir fräi ze spillen an hir Fantasie ze benotzen.
Eng nei a spannend Aktivitéit dës Woch war d’Ausprobéiere vum Spill „Airtoobz“. D’Kanner ware ganz begeeschtert dovun a konnten domat experimentéieren, bauen an zesumme nei Saachen entdecken.
Et war eng flott a lieweg Woch mat vill Bewegung, Spill a gudder Stëmmung.
Mir freeën eis schonn op déi nächst Woch mat Äre Kanner.