Infos parents

Léif Elteren,

Dëse Woch war et wéinst der Hëtztwell ganz waarm. Dowéinst hu mir decidéiert, des Woch an der Maison Relais ze bleiwen, well et dobannen ebessen méi kill a méi agreabel fir d’Kanner war.

Mir hunn déi Geleeënheet genotzt, fir zesummen e flotte Minions-Film unzekucken. Am Raum „Architektis“ konnten d’Kanner kreativ spillen a bauen. Am Raum „Olympia“ haten si d’Méiglechkeet, sech sportlech auszetoben, wat si sech och dacks gewënscht haten.

Trotz de waarmen Temperaturen haten d’Kanner eng flott Woch mat vill Spaass, Beweegung a gemeinsame Momenter.

Léif Elteren,

Dës Woch hu mir dat schéint Wieder genotzt a vill Zäit dobausse verbruecht. Mir sinn zesummen op d’Spillplaz gaangen an hunn och am Spillhaff gespillt. Ausserdeem ware mir an d‘„LASEP“, wou d’Kanner sech sportlech konnten austoben a vill Spaass haten.

Léif Elteren,

Dës Woch hu mir, wann d’Wieder et erlaabt huet, vill Zäit dobausse verbruecht a vun de schéine Momenter profitéiert fir zesummen ze spillen an eis ze beweegen.

Wann d’Wieder manner gutt war, hu mir verschidden Aktivitéiten am Kader vun eisem Projet „Emotiounen“ gemaach. D’Kanner hunn sech mat verschiddene Gefiller beschäftegt, doriwwer geschwat a kreativ Aktivitéite gemaach, fir Emotiounen besser ze erkennen an auszedrécken.

Léif Elteren,

Mir haten dës Woch erëm eng flott Zäit an der Maison Relais.

D’Kanner hu zesumme gespillt, gelaacht an déi schéin Deeg dobaussen genoss. Och beim Spille mam Plasteline ware si ganz kreativ a konnten hir Fantasie fräi lafe loossen.

E besonnesche Moment dës Woch war eist Waffelbaken. D’Kanner hu mat vill Begeeschterung gehollef an natierlech hunn d’Wafelen dono och ganz gutt geschmaacht!

An eisem Projet hu mir eis mat neien Emotioune beschäftegt. Zesumme hu mir entdeckt, wéi verschidde Gefiller ausgesinn a wéi mir iwwer eis Emotioune schwätze kënnen.

Mir freeën eis schonn op eng nei Woch voller flotten Erfarungen mat Äre Kanner.

Léif Elteren,

Dës Woch war Päischt Vakanz, dowéinst war et bei eis ganz roueg an entspaant. Mir hate trotzdem e flotte Ausfluch bei „Airtramp“. D’Kanner hu sech ganz gutt amuséiert an haten vill Spaass beim Sprangen a Spillen. Mir konnten och vum schéine Wieder profitéieren, wat den Dag nach méi flott gemaach huet.

Léif Elteren,

Dës Woch haten d’Kanner erëm eng ganz flott Zäit an der Maison Relais. Bei deem schéine Wieder hu mir vill Zäit dobausse verbruecht, gespillt, gelacht an déi waarm Sonn genoss.

Mat vill Freed a Begeeschterung hu mir och eng kleng Iwwerraschung fir de Mammendag virbereet… also léif Mammen: besser nach net ze genee hikucken.

Ausserdeem ware mir an der „LASEP“, wou d’Kanner sech sportlech konnte beweegen an zesumme vill Spaass haten.