All News
Andréck vun der Woch vum 25.09 - 29.09
29.09.2023Grand Rue
Des Woch stoungen erëm vill flott Aktivitéiten um Programm. Et goufen och nach déi läscht Preparatiounen gemaach, wei e Fotoshooting vir d´Casen vun de Kanner. Vir dass d´Kanner sech direkt un de Roulement vun der Maison Relais gewinne kennen, hate mer des Woch e Kannercomité, wou mer de Kanner Reegelen an de Roulement erkläert hunn. De Kannercomité fënnt 1x pro Mount statt. Hei kenne Kanner sech expriméieren an sech mat den Educateuren austauschen a si fräi, hier eege Meenung ze soen. Et gouf och eng Eltereversammlung gemaach, wou mer alleguer d´Elteren agelueden hunn. Op dëser Versammlung hunn mer d´Elteren iwwer de Roulement a Reegele vun eiser Maison Relais informéiert. Och all eis Projete goufe virgestallt an Elteren konnten hier Froe stellen. Och mat eiser Halloween Deko si mer gutt viru komm. Net nëmme Kanner konnten hirer Kreativitéit hei freie Laf loossen, mais och eis Educateuren an Educatricen.
Weider Aktivitéiten déi des Woch um Plang stounge ware Rollespiller, blannen Parcours, Yoga, Dancebattle, Talentshow, Quiz, Stadt Land Fluss an de Projet vun der Gebärdensprooch.
Recap Talentshow Woch 1
29.09.2023Grand Rue
Haut war déi éischt Show vun eiser Talentshow. Et ware ganz vill Kanner am Publikum present an och vill wou hiert Talent ënner Beweis gestallt hunn. Vun Sangen, Danzen a Magie war alles dobäi. Kanner sinn alleguer eng Ronn weider komm a kennen sech elo schonn ob déi 2. Ronn preparéieren.
Hei gesitt der da puer Andréck vun den Talenter vun eise Kanner.
Inscription Vacances Toussaint 2023
25.09.2023Bei de Fliedermais
Lallange
Chers parents,
Prière de noter que les inscriptions pendant les vacances de toussaint se feront à partir du 25/09/2023 jusqu'au 06/10/2023.
Afin de pouvoir inscrire votre enfant pendant les vacances scolaires, veuillez s.v.p.:
-scanner le code QR (en pièce jointe)
-ou coupier le lien ci-dessous sur votre navigateur
https://formulaires.esch.lu/MRInscriptionVacances/
Si vous souhaitez remplir le formulaire sur papier, veuillez contacter le responsable de la Maison Relais.
Meilleures salutations,
L'équipe Fliedermais
Eischt Woch vun der Rentrée 2023/2024
22.09.2023Grand Rue
Et ass esou wäit an déi nei Rentrée vir Kanner huet ugefaangen. Vir gutt an dat néit Schouljoer ze starten hu mer de Kanner direkt flott Aktivitéiten proposéiert. Et war fir all Kand eppes dobäi.
Hei op de Biller gesitt der e klenge Réckbléck vu verschiddenen Aktivitéiten vun dëser Woch.
Beim Bau Concours war vill Kreativitéit gefuerdert a wéi der op de Biller gesitt, ware Kanner richteg kreativ dobäi. Egal op mat Kappla, Lego oder Puzzle, et si ganz schéin Konstruktiounen entstanen.
Och Yoga stoung des Woch um Programm. Hei konnten Kanner verschidde Yoga Positiounen ausprobéieren. Op eleng oder zu zwee, dat war de Kanner selwer iwwerlooss. Verschidde Kanner hunn dann och direkt profitéiert, sech ënnertenee besser kennenzeléieren.
Vir eis ënnertenee besser kennenzeléieren, konnten d'Kanner wei och Personal iwwert seng Wënsch schwätzen an e schéint Plakat dobäi bastelen.
Et dauert net méi laang, da steet och Halloween virun der Dier. Vir direkt gutt an d'Halloween Saison eran ze starten, hun mer schonn dovunner profitéiert, eis Maison Relais ze dekoréieren. Kanner zesumme mam Personal hate vill Spaass beim bastele vun engem schéine Spannennetz a beim bastele vun enger Hexe. Eis wonnerbar Hexen an d'Spannennetz kennt der op eise Mauere bewonneren, wann der bei eis an der Maison Relais laanscht kommt, erschreckt iech awer net, se sinn net echt.
