All News

D’Aschreiwungen fir d‘Allerhellegenvakanz

D’Aschreiwungen fir d‘Allerhellgenvakanz sinn ONLINE AB DEN 24/09/2025 BIS DEN 10/10/2025

De Formulaire fannt Dir hei: https://formulaires.esch.lu/MRInsriptionVacances/

Pappendag an Inklusioun

Fir d’Pappendag hu mir mat de Kanner vun 1 bis 2 Joer lecker Vanille-Kichelcher gebak. D’Kanner konnten d’Deeg mat den Hänn entdecken, mat Ausstecher Formen ausschneiden an d’Kichelcher gestalten. Mir hunn dobäi drop opgepasst, datt all Kand e perséinleche Message fir seng Famill opschreiwe konnt. Sou ass aus der Aktivitéit eng flott Geleeënheet ginn, Kreativitéit a Freed ze erliewen, mee och Diversitéit an Inklusioun am Grupp ze liewen. All Kand konnt houfreg säi klengen, symbolesche Kaddo mat Heem huelen an esou säin eegene Familljemoment feieren.

Pedagogesch Sortie op de Bauerenhaff zu Leideleng

D’Kanner vun eiser Crèche haten dës Woch d’Méiglechkeet, en erleefnisräichen Dag um Bauerenhaff zu Leideleng ze verbréngen.

Si hunn déi verschidden Déieren aus no gekuckt, se gefiddert a vill Spannendes iwwert d’Liewen um Bauerenhaff geléiert.

Duerch dës Aktivitéit konnten d’Kanner net nëmmen en direkten Kontakt mat der Natur an den Déieren erliewen, mee och hiren Entdeckungsgeescht a vill Freed deelen.

Et war eng flott Geleeënheet, d’Zesummeliewen an de Respekt fir d’Natur a fir d’Déieren ze fërderen.

Intergenerational Gymnastik mat Musek

An dem Pflegeheem Elysis treffen sech eis Kanner aus der Crèche Wobrécken vu 3 Joer an eelere Bewunner fir eng lëschteg a beweeglech Aktivitéit, begleet vum Piano live.

D’Séance, animéiert vum Kiné an dem Educateur, kombinéiert kleng rhythmesch Beweegungen, Ballspill an gemeinsam Gesten. Jidderee mécht mat a sengem Rhythmus, wat d’Motricitéit vun de Kanner, d’mild Mobilitéit vun de Bewunner an virun allem e schéine Moment vu Mateneen fërdert.

Dës intergenerational Begeegnung, gedroen duerch d’Musek, schaaft eng häerzlech Atmosphär, wou Freed, Laachen an Aus­tausch sech natierlech vermëschen.

Porte Ouverte

Pedagogesch Ausfluch an de CIGL Geméisguart

Haut hunn d’Kanner mat vill Virwëtz nei Geméis a Blummen am Gaart entdeckt.

Si hunn un enger Schatzjuegd deelgeholl, wou si Salbei, Mangold a Kapuzinerkäppchen gesicht hunn an dës dono op eng Blat gekleeft hunn, fir eng Erënnerung ze behalen.

Si hunn och Kalendula-Samen gesammelt, fir se am Fréijoer ze säen, an hunn Thymian geplanz.

Zum Ofschloss vun dëser schéiner Aktivitéit huet all Kand e Gromperenzoppkuch mat Courgetten a Schockelasstécker geschmaacht, dee ganz gutt ukomm ass.

En Ausfluch voller Entdeckungen, Léieren a Genoss!

Pädagogesch Ausfluch an de Park Cents an an den Tram-Musee

Am Kader vun eisem Wochenthema iwwert den ëffentlechen Transport hu mir en pädagogeschen Ausfluch an de Park Cents souwéi an den Tram-Musee organiséiert.

Fir d’Partnerschaft tëschent Crèche a Famill ze stäerken, haten e puer Elteren d’Méiglechkeet, eis ze begleeden an dësen Ament zesumme mat de Kanner ze deelen.

Dësen Ausfluch war eng flott Geleeënheet, fir d’kollektiv Verkéiersmëttel op eng aner Aart a Weis kennen ze léieren, d’Zesummenhalt tëschent Kanner, Elteren an Educateuren ze stäerken an en agreabele Moment an der frëscher Loft ze verbréngen.

Eng flott pedagogesch Erliefnis op der Bauerenhaff zu Leideleng

Eis Kanner vun 2 bis 4 Joer haten virun kuerzem d’Geleeënheet, eng flott Ausfluch op d’Bauerenhaff zu Leideleng ze maachen. Et war eng spannend an erfüllend Erliefnis, wou si vill léif Déieren kennegeléiert hunn, Kaz, Kanéngercher, Meerschwäinchen, Hinnen, Schwäin, Kéi, Päerd a Geessen.

Nieft dem Déierekontakt konnten d’Kanner och frësch Loft genéissen an sech am grousse Gaart fräi beweegen, mat klengen Trakteren, Trottinetten a Spillsaachen. Dëst huet hinnen vill Freed gemaach an huet hir motoresch Entwécklung ënnerstëtzt.

E richtege Highlight war et, wou all Kand op engem richtige Trakter dierft sëtzen, mat grousse glänzegen Aen a voller Begeeschterung!

Et war eng räich an inspiréierend Erfahrung, wou d’Kanner d’Natur erliewe konnten an en neie Bléck op d’Déierewelt kruten. Enges wat hinnen sécher nach laang an Erënnerung bleift!

Summersfest an Campusfest

E grousse Merci un d’Elteren!
Mir soe alle Elteren e ganz häerzleche Merci fir hir Präsenz an hir Matmaach beim Summersfest an um Campusfest.

Ouni Iech wieren dës schéin a lieweg Momenter net déiselwecht gewiescht.

Duerch Ären Engagement an Äre gudde Wëllen sinn dës Evenementer e richtegen Erfolleg ginn – voll Freed, Laachen a schéin Erënnerungen, fir Kleng a Grouss.

Äre Support bedeit eis vill a motivéiert eis, weiderhin mat Leidenschaft fir d’Kanner do ze sinn.

Merci fir Äert Vertrauen an datt Dir un eiser Säit sidd!

Ofschlossparty zum Pompjeeesprojet

Zum Ofschloss vum Projet hun mär eng kleng Party organiseiert, dei d'Kanner selwer matgestalten konnten.

D'Party huet aus 3 Haaptaktiviteiten bestaanen. All Kand huet an engem Roulement un deenen 3 Aktiviteiten deelgehol.

1) Virbereedung vun der Collatioun

D'Kanner hun Muffins gebaak an dekoreiert. Ausserdeem hun sie Smoothies gemaach aus Erdbieren an Melounen.

2) Waasserspiller

D'Kanner konnten Waasserbäll mat Waasser fellen an bei verschidden Spiller eng Waasserschlacht maachen. Dest huet bei deem wuarmen Wierder besonnegt gudd ofgekillt.

3) Fotoshooting

Beim Fotoshooting hun sie d'Kulisse selwer opgezeechent aus Kraid an konnten sech a Rollespiller als Pompjeee verkleeden.

Zum Ofschluss vun der Party an zum Ofschloss vum Projet hun mär all zesummen dei lecker Muffins gies an hun eis d'Smoothies gudd schmaachen gelooss. All Kand krut en Pompjeeesbracelet an en Molbuch, waat mär vum CGDIS offreiert kruten.