Infos parents

Léif Elteren,

mir hatten eng flott Woch an der Maison Relais verbruecht.

Ronderëm d’Thema Fuesent hu mir zesumme gebastelt an vill faarweg a kreativ Saache gemaach. Mir hu mat Plastilin gespillt, wou d’Kanner hir Fantasie ausliewe konnten. An der Museksstonn hu mir Musek Instrumenter kennen geléiert, a Musek gemaach, Kanner hatten richteg vill Spaass dobäi. Natierlech war och genuch Zäit fir fräit Spillen, wou d’Kanner selwer entdecke konnten a matenee gespillt hunn. Tea Time war och eng richteg flott Erfahrung fir eis Kanner.

Mir freeën eis op eng nei spannend Woch mat Äre Kanner.

Léif Elteren,

Dës Woch an der Maison Relais hu mir vill flott Aktivitéiten mat de Kanner gemaach. Mir hunn zesumme gebastelt an d’Kreativitéit vun de Kanner gefërdert. Ausserdeem ware mir op en Ausfluch an d’LASEP, wou d’Kanner sech vill beweege konnten an zesumme Spaass haten. Bei de Rollenspiller konnten si hir Fantasie ausliewen an a verschidde Rollen schlüpfen. Donieft hu mir och eist Wanterprojet ugefaangen, dat eis an de kommende Wochen begleede wäert.

Léif Elteren,

d’Maison Relais huet d’Freed Iech matzedeelen, datt eng Fuesparty an der Virbereedung ass!

Datum: 13.02.2026

Plaz: Maison Relais bei de Fliedermais

D’Kanner an hir Eltere si ganz häerzlech invitéiert, dëse flotte Moment zesumme mat eis ze verbréngen.

Um Programm stinn: Musek, Spiller, vill Laachen an eng ganz flott Stëmmung.

Verkleedunge si natierlech ganz wëllkomm, ëm sou méi faarweg, ëm sou besser!

Fir lecker Snacks a Gedrénks fir Kleng a Grouss ass gesuergt.

Weider Informatioune follegen an de kommende Deeg.

Mat frëndleche Gréiss,
D’Ekipp vun der Maison Relais bei de Fliedermais

Léif Elteren,

Dës Woch haten d’Kanner vill Spaass an hu sech ganz vill amuséiert. Mir hunn zesumme vill gedanzt, wou d’Kanner sech fräi beweege konnten an d’Musek genoss hunn. Donieft hu si mat Plastilin gespillt a mat vill Fantasie gekniet a geformt. Beim Bastelen konnten d’Kanner hir Kreativitéit ausliewen a mat Freed nei Saache gestalten.

Et war eng flott, lëschteg an ofwiesslungsräich Woch voller Laachen a schéine Momenter an der Maison Relais.

Léif Elteren,

Den „Coin des Parents“ bitt eemol am Mount d’Méiglechkeet, dass e Referent vun der „École des Parents“ bei eis am Haus ass.

Enn vum Dag, wann d’Kanner ofgeholl ginn vun den Elteren, kënnen d’Elteren dëse Moment notzen, fir sich auszetauschen an Froen iwwer d’Erzéiung an hir Roll als Elteren ze stellen.

Datum: 04.02.2026

Zäit: 16:00 – 18:00 Auer

Plaz: Maison Relais bei de Fliedermais

D’Temaen, déi Iech wichteg sinn, kënnen virdru bei den Educateuren/tricen matgedeelt ginn. Mir informéieren duerno de Referent vun der „École des Parents“.

Mat frëndleche Gréiss,

D’Equipe Maison Relais bei de Fliedermais

Léif Elteren,

Mir si frou, dëse Mount Januar eise Liesprojet an der Maison Relais kennen ze starten, deen fir Elteren a Kanner (Spillschoul & Précoce) geduecht ass.

Zil ass et, gemeinsam Liesen ze erliewen an d’Freed un Geschichten ze entdecken.

Datum: Ab Januar

Zäit: 16:00 – 18:00 Auer

Plaz: Maison Relais bei de Fliedermais

Zilpublikum: Elteren a Kanner (Spillschoul & Précoce)

Elteren, déi aktiv matmaache wëllen, si wëllkomm eis virdru matzedeelen, wéini se eng Geschicht fir d’Kanner liesen wëllen, esou dass mir de Projet sou gutt wéi méiglech organiséieren kënnen.

Mat frëndleche Gréiss,

D’Equipe Précoce & Spillschoul – Maison Relais bei de Fliedermais