Infos parents

Léif Elteren,

Är Kanner hunn an de leschten Deeg mat vill Freed a Kreativitéit schéin Dännebeemchendekor gebastelt.

Eis Dännebeemchen ass elo mat hiren selwergemaachten Dekoratiounen geschmückt an et gesäit wierklech wonnerschéin aus!

D’Beemchen steet am Entrée vun der Maison Relais, sou datt Dir et zesumme mat Äre Kanner bewonnere kënnt.

Léif Gréiss,

Equipe Spillschoul an Précoce „Maison Relais bei de Fliedermais“

Léif Elteren,

Juhu, et geet lass! Haut mécht eisen Maison Relais-Adventskalenner seng Dieren an der Précoce op.
All Dag kritt ee Kand säin ganz eegent klengt Adventstutt, di vu klengen Hänn mat vill Léift a ville Stickeren selwer dekoréiert hunn. Wat sech dobannen verstoppt, ass eng geheim Iwwerraschung… pssst, dat wësse just eis Educatricen! ;-)

Mir freeë eis schonn op vill glänzend Ae, kleng O’s a ganz vill Adventsmagie mat äre Kanner.

Ganz häerzlech Wantergréiss,

Äert Equip Précoce „Maison Relais bei de Fliedermais“

Léif Elteren,

mir wëllen Iech gären e klengen Réckbléck op d’Woch an eis Maison Relais ginn.

Dës Woch hu mir zesumme mat de Kanner eng Wonschlëscht fir de Kleeschen gemaach an Dekoratioun fir eisen Chrëschtbam gebastelt. D’Kanner hunn och mat vill Freed Waffele gebak an sie hu verschidde Rollenspiller gespillt an eisen Spillraum, wéi z. B. Bauaarbechter, Handwierker an aner Beruffer aus dem Alldag.

Eisen Adventskalenner ass elo och fäerdeg a prett fir déi nächst Woch. Ausserdeem hu mir schéi Dekoratioun fir eist Wanterfest gebastelt.

An eisem Déiere-Projet si mir och e Stéck weider komm: Dës Woch hu mir Mierdéiere kennegeléiert, e Sujet, deen d’Kanner ganz begeeschtert huet.

Wéi ëmmer kënnt Dir och Fotoe vun der Woch ukucken.

Chers parents,

nous avons le plaisir de vous et vos familles d'inviter à notre fête d'hiver le 12/12/2025 à notre Maison Relais. Nous passerons ensemble un après-midi (16h00 à 18h00) chaleureux et convivial avec café et gâteau, ainsi qu'un petit spectacle de danse préparé avec joie par les enfants.

L'équipe de la Maison Relais bei de Fliedermais

Léif Elteren,

och dës Woch hu mir erëm vill schéi a spannend Momenter zesumme mat de Kanner erlieft!

D’Kanner hunn mat vill Freed verschidden Dekoratioune fir eisen Tannebämchen gebastelt. An der Fräispill-Zäit konnten d’Kanner hiren eegene Interessen nogoen, nei Spilliddien entwéckelen a mat Frënn hir Fantasie ausliewen. E puer Kanner haten och vill Spaass dobäi, selwer Popcorn ze maachen. Dat Zesummeschaffen an duerno Nasche war e klenge Highlight vun der Woch. Am Kader vun eisem Projet hu mir eis dës Woch mat den Äisdéiere beschäftegt. D’Kanner hunn interessant Saache geléiert iwwer Déieren, déi an de kale Regiounen doheem sinn, an hir Virwësse konnt nach méi erwächen. E ganz besonnescht Erliefnis war eisen Ausfluch an LASEP. D’Kanner haten do vill Geleeënheet fir sech ze beweegen, Sport ze maachen an nei Bewegungsforme kennenzeléieren. Jidderee hat vill Spaass!

Léif Elteren,

dës Woch haten d’Kanner vill Freed an der Maison Relais, sie hu vill gespillt an Neies entdeckt. Am Spillhaff stoung vill Bewegung an Zesummespill am Mëttelpunkt, an dobannen hu si mat vill Begeeschterung gebastelt a kreativ geschafft. Besonnesch schéin war ze gesinn, wéi d’Kanner ëmmer méi eegen Iddien abréngen an sech géigesäiteg ënnerstëtzen.

Mir wënschen Iech vill Spaass beim Ukucken vun de Fotoen.