Wocheréckbleck 06.11 - 10.11

10.11.2023

Vakanz ass eriwwer an den normale Schoulalldag geet erëm un. Wärend der Vakanz konnte Kanner profitéiere vir an Kolonie op Ënsber ze goen. Kanner haten dann d´Meiglechkeet, déi festgehale Momenter an Erliefnisser aus der Kolonie wärend enger Aktivitéit an engem Fotosalbum ze sammelen.

Direkt Méindes no der Schoul konnte Kanner dann och iwwert hier Vakanz schwätzen an erzielen, wat si esou Schéines gemaach hunn. Vir Beweegung war och erëm gesuergt. Kanner sinn an LASEP gaange wou si a verschiddenen Ateliere verschidde Sportaarte maache konnten. An der Maison Relais selwer hu mer Zombie Ball, a Sport am Setzen ugebueden, wou Kanner sech austobe konnten. Donneschdes huet sech Geleeënheet ugebueden, eng kleng Sortie an frësch Loft mat de Kanner ze maachen. Och un eise Projete gouf weider geschafft. An der Talentshow komme mer elo an déi 3. Ronn an et sinn nach weiderhi ganz vill Talenter dobäi. Och de Museksprojet leeft weiderhi richteg gutt a Kanner kennen hirer Kreativitéit freie Laf loossen. Och un der Gebäerdesprooch gouf weider geschafft a Kanner maache scho super Fortschrëtter. Et gouf och en neie Projet lancéiert, nämlech den Upcycling Projet. An dësem Projet gi momentan aus Palette Canapéen gebastelt vir op eis Terrasse am Summer. Vir Wuelbefanne gouf natierlech och gesuergt. Relaxatioun a Yoga stoungen um Plang, wei och Massagen. Hei konnte Kanner da gutt entspanen an e bëssen vum Alldagsstress Ofstand huelen.

An 6 Wochen ass Chrëschtdag!!! Héich Zäit vir mat der Chrëschtdagsdekor unzefänken. Ideen goufen der scho vill gesammelt, elo gi se dann ëmgesat.

» Fotoen