Maison Relais Bruch
01.09.2025Eis éischt Wochen um Bruch
Iwwergangsphas an der neier Maison Relais Bruch
Zënter zwou Wochen si mir an enger Iwwergangsphas an eiser neier Maison Relais Bruch. Dës Adaptatiounszäit ass wichteg fir d’Kanner esou wéi och fir d’Educateuren, fir dass si sech mat de neie Raimlechkeeten vertraut maachen, d’Organisatioun verstoen an sech lues a lues un déi nei Struktur gewinnen.
Déi nei Maison Relais ass vill méi grouss wéi déi virdrun an offréiert eng Rei funktionell Raim an eng méi divers Verdeelung vun de Beräicher (Aktivitéitsraim, Vestiairen, Toiletten, Restaurant, Ruhezonen, asw.). Fir de Kanner dësen Iwwergang esou einfach wéi méiglech ze maachen, gëtt all Kand individuell den éischten Dag begréisst. En Educateur référent féiert d’Kand duerch d’Gebai, erkläert d’Funktion vun de verschiddene Raim an déi gemeinsam Reegelen.
D’Kanner kréien dobäi d’Geleeënheet, déi verschidde Funktiounsraim kennen ze léieren, dorënner:
-
d’Mediaräum,
-
de kreative Raum mat sengem Holzwinkel,
-
de Bauraum,
-
de Restaurant,
-
de Rollespillraum,
-
de Museksraum,
-
an de Raum fir Experimenter.
Dës Raim si speziell dorop ausgeriicht, d’Kand an senger Entwécklung z’ënnerstëtzen, seng Kreativitéit z’fërderen an d’Léieren duerch Erfuerschung an Erfarung z’erliichteren.
Beim éischte Besuch léieren d’Kanner och d’Ekipp kennen, inklusiv déi nei Mataarbechter, déi sech dem Team ugeschloss hunn. Dës Présentatiounen droen dozou bäi, e Gefill vu Sécherheet a Vertrauen bei de Kanner ze schafen.
An engem Kader, wou d’Wuelbefanne vum Kand am Mëttelpunkt steet, biede mir de Kanner d’Méiglechkeet, eng oder méi Referenzpersounen aus dem Educateuren-Team ze wielen. Dës Persounen sti fir Gespréicher, Ënnerstëtzung oder einfach als Vertrauenspersoun zur Verfügung.
Dës Aféierungsphas erlaabt et och dem pädagogesche Personal, d’Verhalen an d’Bedierfnesser vun de Kanner ze observéieren an, wann néideg, Upassungen ze maachen, fir dass all Kand eng positiv an harmonesch Integratioun an déi nei Ëmwelt erlieft.
» Fotoen