Eis- an Waasserkonscht: Entdecken, Experimentéieren a Kreativitéit
31.07.2026Eng Aktivitéit, déi Naturwëssenschaft, Kreativitéit a spillerescht Léieren op eng flott Aart a Weis matenee verbonnen huet an de Kanner vill Freed bereet huet. ❄️
Dës Woch hunn d’Kanner un enger spannender Summeraktivitéit deelgeholl, bei där Äis, Waasser a Konscht am Mëttelpunkt stoungen.
Als éischt hunn d’Kanner grouss Äisbléck mat Hummeren a Meesselen “ausgegruewen”. Am Äis ware verschidde Géigestänn an Déieren verstoppt. D’Kanner hu mat vill Gedold, Teamgeescht a Freed probéiert, dës fräizeleeën. Dobäi hu si experimentéiert, observéiert a gemierkt, wéi Äis sech verännert an zerbrécht.
An engem zweeten Atelier hu si mat Äiswierfelen, déi mat Faarf gefëllt waren, op grousse Blieder gemoolt. Beim Rutschen iwwer de Pabeier sinn interessant Spueren, Formen a Faarfverleef entstanen. D’Kanner konnten hir Fantasie fräi ausliewen an dobäi d’Verbindung tëscht Konscht an Natur erliewen.
Wat hunn d’Kanner dobäi geléiert?
- Entdeckung vun den Eegeschafte vu Waasser an Äis.
- Fërderung vun der Fein- a Grobmotorik duerch d’Aarbecht mat de Geschir.
- Entwécklung vu Kreativitéit an eegener Ausdrocksweis.
- Stäerkung vun Zesummenaarbecht, Gedold a Problemléisung.
- Vill Spaass beim Experimentéieren an Entdecken.
Et war eng flott Aktivitéit, déi Léieren, Beweegung a Kreativitéit op eng spilleresch Aart a Weis kombinéiert huet. D’Kanner ware mat vill Begeeschterung dobäi an hunn hir kleng Konschtwierker mat Stolz presentéiert.
» Fotoen