D'Ouverture vun der Crèche Wobrécken

28.11.2023

Méindes, den 27. November 2023 war d'offiziell Ouverture vun der Crèche Wobrécken. Eng limitéiert Unzuel u Kanner ginn an der Ariichtung während hirer aktueller Upassungsphase versuergt. Dëst erlaabt all Kand sech zesummen mat hiren Elteren un dat neit Ëmfeld ze gewinnen. No der Upassungsphase kënnen all Dag 40 Kanner versuergt ginn.

D'Crèche ass Méindes bis Freides vun 7:00 bis 19:00 Auer op. Kanner vun 3 Méint bis 4 Joer ginn opgeholl fir schéin Deeg mat eisem Personal ze verbréngen. Déi verschidden Altersgruppen sinn an der Crèche ënnerdeelt, fir datt mir den Kanner eng entspriechend Altersentwécklung garantéieren kënnen. Den Grupp 1 kann 20 Kanner am Alter vun 3 bis 24 Méint ophuelen an de Grupp 2 kann och 20 Kanner am Alter vun 2 bis 4 Joer ophuelen.

D'Kanner hunn Zougang zu verschiddenen funktionnelle Raim wéi zum Beispill den Motorikberäich, den Musekberäich, den Entspanungsberäich, den Rollespillberäich, den Kreativberäich, den Bauberäich oder den externen Beräich, deen aus enger Terrass an engem Gaart besteet. Dës Beräicher erlaben eis d'Pädagogik "Emmi Pikler" an "Montessori" ze verfollegen, andeems mir d'Wichtegkeet vu fräier Bewegung, onofhängegem Spill an enger staarker Bezéiung tëscht Educateur a Kand ënnersträichen.

Mir freën eis Är Kanner kennen ze léieren a beräicherend Deeg mat hinnen ze verbréngen :)

» Fotoen